მეცნიერებმა დაადგინეს, თუ რა გავლენას ახდენს სისხლის ჯგუფი ინფარქტის განვითარების რისკზე. კვლევის შედეგები, რომელშიც 400 ათასზე მეტი ადამიანი მონაწილეობდა, ამერიკის გულის ასოციაციამ გამოაქვეყნა.
მონაცემების თანახმად, II და III სისხლის ჯგუფის მქონე ადამიანებს ამ დაავადების განვითარების რისკი 8%-ით უფრო მაღალი აქვთ, ვიდრე I ჯგუფის მქონე ადამიანებს. ექსპერტებმა ასევე დაადგინეს, რომ ვენების თრომბოზის და ფილტვის ემბოლიის პროცესის დაწყების შესაძლებლობა II და III ჯგუფების სისხლის მატარებლებში 51%-ით და 47%-ით უფრო მაღალია, ვიდრე დანარჩენებში.
ამასთან, I სისხლის ჯგუფის ადამიანები უფრო მაღალი არტერიული წნევისკენ მიდრეკილები არიან.
ცნობილია, რომ მსგავსი კვლევა 2017 წელს უკვე ჩატარდა. ექიმებმა 1 მილიონზე მეტი ადამიანის ანალიზის საფუძველზე დაადგინეს, რომ სისხლის ჯგუფს შეუძლია თქვას შესაძლო დაავადებების შესახებ, რომელსაც პაციენტი მომავალში შეხვდება. დაავადებებში შედის გულის შეტევაც.
