"ქართული ოცნების" თავმჯდომარე ირაკლი კობახიძე აცხადებს, რომ 20 ივნისთან დაკავშირებით, მაშინდელ შინაგან საქმეთა მინისტრთან, გიორგი გახარიასთან კითხვები აქვს, რაზეც პასუხები ვერ მიიღო.
მისივე თქმით, გახარიამ აქციის დაშლის ოპერაცია გაუგებრად დაგეგმა, რასაც მძიმე შედეგები მოჰყვა.
"20 ივნისს, დაშლის ოპერაცია გიორგი გახარიას მხრიდან იყო აბსოლუტურად გაუგებრად დაგეგმილი, რამაც მიგვიყვანა მძიმე შედეგებამდე. რატომ იდგნენ შსს-ს სპეცჯგუფები ჭიშკრის გარეთ და არა ჭიშკრის შიგნით, ამ კითხვაზე პასუხი არ არსებობს, მეორე - რატომ არ იქნა გამოყენებული წყლის ჭავლი და სხვა რბილი საშუალებები ", - განაცხადა ირაკლი კობახიძემ "მთავარი არხის" ეთერში.
