საქართველოს მთავრობის მოწვევით, ჩრდილოატლანტიკური საბჭო საქართველოს 3-4 ოქტომბერს ეწვევა. ამის შესახებ NATO-ს მიერ გავრცელებულ ინფორმაციაშია ნათქვამი.
პრესრელიზში გაწერილია ის შეხვედრებიც, რომელსაც საქართველოში ვიზიტით ჩამოსული ჩრდილოატლანტიკური ალიანსის გენერალური მდივნის მოადგილე, როზ გოტმიულერი და NATO-ს წევრი ქვეყნების ელჩები გამართავენ.
ჩრდილოატლანტიკური საბჭოს წევრები შეხვედრებს გამართავენ საქართველოს პრეზიდენტ სალომე ზურაბიშვილთან, შინაგან საქმეთა მინისტრ ვახტანგ გომელაურთან, პარლამენტის თავმჯდომარე არჩილ თალაკვაძესა და საქართველოს პარლამენტის წევრებთან.
ნატო-ს წევრი ქვეყნების ელჩებს სამუშაო ლანჩი ექნებათ საქართველოს საგარეო საქმეთა მინისტრ დავით ზალკალიანთან. ისინი ასევე შეხვდებიან სამოქალაქო საზოგადოების წარმომადგნელებს და მოინახულებენ საქართველოს სანაპირო დაცვის ორ ხომალდს.
NATO-ს გენერალური მდივნის მოადგილე სიტყვით მიმართავს ბათუმის სახელმწიფო უნივერსიტეტის სტუდენტებსაც.
ნინო ხიდაშელი
ავტორი