რუსთაველის გამზირზე შეკრებილი აქციის მონაწილეები ამ წუთებში ცესკო-ს შენობისკენ მიემართებიან.
"ნაციონალური მოძრაობის" ერთ-ერთი ლიდერის ნიკა მელიას განცხადებით, არჩევნების ჩანიშვნამდე შენობიდან ვერავინ გამოვა.
"ჩვენ ახლა, ყველამ ერთად, ვინც კი ვართ, ძალიან ბევრნი ვართ, უნდა გადავინაცვლოთ და წავიდეთ და კომენდანტის საათი დავუწესოთ ცესკო-ს შენობას. ვერავინ იქ ვეღარ შევა და ვერავინ იქიდან ვეღარ გამოვა, სანამ არ ჩაინიშნება ახალი არჩევნები. იქ ვიდგებით ყველანი. როგორც არასოდეს, უკანასკნელი წლების განმავლობაში, არ ყოფილა ისეთი მასშტაბური მსვლელობა ახლა რომ დაიწყება. შორია, ახლოს არ არის, მაგრამ ახლოს არის გამარჯვება," - განაცხადა ნიკა მელიამ.
