თავში

არ უნდა შეასრულოთ უკანონო ბრძანებები - სააკაშვილი პოლიციელებს მიმართავს

არ უნდა შეასრულოთ უკანონო ბრძანებები - სააკაშვილი პოლიციელებს მიმართავს
არ უნდა შეასრულოთ უკანონო ბრძანებები - სააკაშვილი პოლიციელებს მიმართავს

"მინდა მივმართო ჩვენი სამართალდამცავი ორგანოების თანამშრომლებს, პოლიციელებს, განსაკუთრებით ამ სკანდალების ფონზე, როდესაც თქვენ გაიძულებენ ყველა წესის და კანონის დარღვევით, პრაქტიკულად ყველა მოქალაქის ჩაწერას, რაც არის დამამცირებელი პოლიციელის ღირსებისთვის, რადგან პოლიციელი უნდა იცავდეს კანონს და ასეთი რაღაცები კანონით რეგულირდება", - ამის შესახებ საქართველოს მესამე პრეზიდენტმა მიხეილ სააკაშვილმა "ფეისბუქის" საკუთარ გვერდზე პოლიციელებისადმი მიმართვის დროს განაცხადა.

მისი თქმით, პოლიციელები უკანონო დავალებებს არ უნდა ასრულდებდნენ. 

ამასთან, სააკაშვილი ამბობს, რომ სამართალდამცველებს საბანკო ვალები უნდა ჩამოეწეროთ და მათი პენსია უნდა გაიზარდოს. 

"ვიცით, რომ "ოცნების" მხარდამჭერ კრიმინალებს არ გაკარებინებენ ხელს, სანამ პოლიტიკური ხელმძღვანელობა არ მოგცემთ ნებართვას, ასე იყო ავსტრალიელის მკვლელზე და უამრავ სხვა ადამიანზე.

ვიცი, რომ უაზროდ გაცდენინებენ დროს, როდესაც პატრულის თანამშრომლებს აყენებენ გზაჯვარედინებზე და ავალებენ ძველი "გაიშნიკებით" მოძრაობის რეგულირებას - ეს არ არის ნამდვილად პატრულის საქმე.

ისევე, როგორც არ იზრდება ხელფასი, თითოეულ თქვენგანს აქვს საბანკო ვალი და ასევე, პენსია არ გაზრდილა 2012 წლიდან, დარჩა 350 ლარის დონეზე, რაც უკვე ვერანაირ კრიტიკას ვერ უძლებს, უნდა იყოს მინიმუმ 1000 ლარი. ყველას გვესმის, რომ ეს რეჟიმი მიდის დასასრულისკენ, ახლა მთავარია მას არ ჩავყვეთ საფლავში. არ უნდა შეასრულოთ უკანონო ბრძანებები. მიმაჩნია, რომ ყველა პოლიციელს საბანკო ვალები უნდა ჩამოეწეროს, პენსია უნდა გაიზარდოს 1000 ლარამდე, მე გამიკეთებია და ვიცი, რაზეც ვსაუბრობ. პოლიციელი, რომელსაც აქვს სოციალური დაცვის გარანტიები, უკეთესად იცავს თავის მოქალაქეებს და არ აქვს ცდუნება კორუფციისკენ წასვლის. ცოტაც კიდევ გაძელით, ჩემო მეგობრებო, რადგან მე კარგად ვიცი, რომ ბევრი თქვენში არის პატრიოტი. ეს კოშმარი, რომელიც მთელ საქართველოს ეხება, თქვენც გეხებათ, სრულიად მალე დასრულდება", - განაცხადა მიხეილ სააკაშვილმა.

ტექსტში შეცდომის აღმოჩენისას, გთხოვთ, მონიშნოთ არასწორი ნაწილი და დააჭირეთ Ctrl + Enter.

კატეგორიის სხვა ახალი ამბები

ბოლო სიახლეები

ბოლო სიახლეები



orphus_system