პარტია "საქართველოსთვის" თავმჯდომარე, გიორგი გახარია "ქართული ოცნების" ხელმძღვანელებისგან მისი თანაგუნდელების მისამართით გაკეთებულ განცხადებებს გამოეხმაურა.
"სამწუხაროდ, "ოცნებას" ამ ბოლო პერიოდში ახასიათებს ყველას ყველაფერი დააბრალოს, რომ როგორმე თავის პასუხისმგებლობას გაექცეს - თან ასე ირიბად დააბრალოს, რომ მერე რომ ეტყვი - მაბრალებ? - არა მე ეგ არ მიგულისხმიაო.
თუ დაბრალება უნდათ, რაც უნდათ ის დაგვაბრალონ, წავიდნენ გამოძიება დაიწყონ.
არავის ეშინია აი ამ რაღაც მუქარების და ფეხების ბაკუნის.
მე ერთი რამე მინდა გითხრათ - აი იმ ადამიანების გვარებს, რომლებსაც ასე უდიერად მოიხსენიებენ ჩემი კოლეგების, ჩემი თანამებრძოლების - ალექსანდრე ხოჯევანიშვილის, კახა ქემოკლიძის, კახა საბანაძის - ეს ღირსეული ადამიანები არიან, რომლებიც ამ ქვეყანას წლების განმავლობაში ემსახურებიან და ბევრ მათგანს ვინც მათ სახელებს ახლა ატრიალებს - იმის ნახევარიც არ გაუკეთებია ქვეყნისთვის, რაც ამ ხალხს გაუკეთებია", - განაცხადა გიორგი გახარიამ.