საქართველოში აშშ-ის საელჩო მაიკ პომპეოსა და გიორგი გახარიას შეხვედრასთან დაკავშირებით განცხადებას აქვეყნებს.
"სახელმწიფო მდივანი პომპეო პრემიერმინისტრ გახარიასა და საგარეო საქმეთა მინისტრ ზალკალიანს შეერთებული შტატების მიერ საქართველოს ევროატლანტიკური მისწრაფებების მხარდაჭერისა და ქვეყნის დემოკრატიული ინსტიტუტების გაძლიერების საკითხებზე სასაუბროდ შეხვდა. სახელმწიფო მდივანმა, ასევე, ყურადღება გაამახვილა საარჩევნო და სასამართლო რეფორმების მნიშვნელობაზე," - აღნიშნულია აშშ-ის საელჩოს მიერ გამოქვეყნებულ განცხადებაში.
