თავში

აშშ-ის თავდაცვის აქტი: საქართველოსთან თანამშრომლობა გაგრძელდება, თუ პირობებს შეასრულებს

აშშ-ის თავდაცვის აქტი: საქართველოსთან თანამშრომლობა გა
აშშ-ის თავდაცვის აქტი: საქართველოსთან თანამშრომლობა გაგრძელდება, თუ პირობებს შეასრულებს

აშშ-ის ეროვნული თავდაცვის აქტის ახალი შესწორების მიხედვით საქართველოსთან თანამშრომლობა იმ შემთხვევაში გაგრძელდება თუ ქვეყანა პირობებს დაიცავს. 

ცვლილება სენატის საგარეო კომიტეტის თავმჯდომარეს, ჯეიმს რიშს ეკუთვნის. რიშის განცხადებით, საქართველოს პრეზიდენტმა სალომე ზურაბიშვილმა ირაკლი ოქრუაშვილი და გიგი უგულავა შეიწყალა, თუმცა გიორგი რურუა კვლავ საპატიმროში რჩება.

"აშშ-ის სენატი კვლავ გამოთქვამს სურვილს, გაგრძელდეს აშშ-სა და საქართველოს შორის თანამშრომლობა მმართველობის და ეკონომიკის რეფორმებზე, კორუფციის წინააღმდეგ ბრძოლაზე და გაღრმავდეს თანამშრომლობა საქართველოს სუვერენიტეტის და ტერიტორიული მთლიანობის დაცვის მიმართულებით“, - აღნიშნულია განცხადებაში. 

აშშ-ის სენატი საქართველოს მთავრობასა და პოლიტიკურ ლიდერებს მოუწოდებს, უარი თქვან ძალაუფლების ცდუნებაზე და პროცესები უფრო გამჭვირვალე გახადონ, რაც მოსამართლეების დანიშვნის წესსა და მოსამართლეების მმართველი პოლიტიკური პარტისადმი ლოიალურობასაც გულისხმობს.

აშშ-ის სენატი კიდევ ერთხელ მოუწოდებს, საქართველოს მთავრობას ხელი შეუწყოს 2020 წლის ოქტომბრის არჩევნების სამართლიანად და გამჭვირვალედ ჩატარებას.

ტექსტში შეცდომის აღმოჩენისას, გთხოვთ, მონიშნოთ არასწორი ნაწილი და დააჭირეთ Ctrl + Enter.

კატეგორიის სხვა ახალი ამბები

ბოლო სიახლეები

ბოლო სიახლეები



orphus_system