აზერბაიჯანის გენერალური პროკურორი ქამრან ალიევი ხვალ საქართველოში გაემგზავრება. ინფორმაციას აზერბაიჯანული მედია ავრცელებს.
გავრცელებული ინფორმაციით, ვიზიტის ფარგლებში გენერალური პროკურორი ქართველ კოლეგას, ირაკლი შოთაძეს შეხვდება.
მხარეები აზერბაიჯანისა და საქართველოს პროკურატურის, მართლმსაჯულების და სასამართლო სტრუქტურებს შორის თანამშრომლობის საკითხებს განიხილავენ.
ვიზიტის ფარგლებში ქამრან ალიევი საქართველოს სხვა ოფიციალურ პირებსაც შეხვდება.
