თავში

ბესელია: ირაკლი კობახიძისგან პოლიტიკოსი ვერასდროდ დადგება

ბესელია: ირაკლი კობახიძისგან პოლიტიკოსი ვერასდროდ დადგება
ბესელია: ირაკლი კობახიძისგან პოლიტიკოსი ვერასდროდ დადგება

ირაკლი კობახიძისგან პოლიტიკოსი ვერასდროდ დადგება,- ამის შესახებ ჟურნალისტებთან დამოუკიდებელმა დეპუტატმა ეკა ბესელიამ განაცხადა.

ბესელიას თქმით, "ქართულ ოცნებას" საკადრო რესურსის თვალსაზრისით, "მძიმე სურათი" აქვს.

"არ ღირს ძალიან ბევრი დროის ხარჯვა და ფიქრი, კობახიძეზე რატომ შეიძლებოდა გაკეთებულიყო არჩევანი. თქვენ ხედავთ, როგორი საკადრო შიმშილი აქვთ, მართლაც მძიმე სურათი აქვს მმართველ პარტიას. არავინ დარჩა ისეთი, ვისაც შეიძლება ცოტა გამოცდილება მაინც ჰქონდეს პოლიტიკურ პროცესებში. კობახიძემ საერთოდ ვერ ისწავლა პოლიტიკური პროცესი და მისგან პოლიტიკოსი არ დადგება არასოდეს, მაგრამ ის ამ პოზიციაზე შეირჩა იმ ნიშნით, რომ საარჩევნო კამპანიების დროს იყო ჩართული როგორც ტექნიკური, საორგანიზაციო შემსრულებელი პირი და უბრალოდ, "ოცნების" რიგებს რომ გადახედოთ, იმდენად რთულია იპოვოთ პოლიტიკური ფიგურა, რომელსაც აქვს საარჩევნო გამოცდილება, მიხვდებით - არარაობას ეს სჯობიაო - აი, ეს არის შერჩევის პრინციპი. მისი მათემატიკა და მისი პროგნოზები ცნობილია. ეს არის ერთ- ერთი ყველაზე ტრაგი-კომიკური თემა "ქართულ ოცნებაში", თუ როგორ ითვლის ის საარჩევნო სტატისტიკას და როგორ აკეთებს პროგნოზებს. როცა ივანიშვილმა ერთხელ უკვე იწვნია საკუთარ თავზე ისეთი კრახი, როცა მეორე ტური იყო საპრეზიდენტო არჩევნების დროს, პირველ ტურში საპრეზიდენტო კანდიდატს მიულოცა და მიულოცა სწორედ იმიტომ, რომ კობახიძე არწმუნებდა, რომ აღარ იქნებოდა მეორე ტური საჭირო. ახლა მისი არჩევანია, რომ ისევ იძულებულია მასზე შეაჩეროს არჩევანი,"- განაცხადა ეკა ბესელიამ.

ცნობისთვის, "ქართული ოცნების" საარჩევნო შტაბის ხელმძღვანელად პარტიის აღმასრულებელი მდივანი ირაკლი კობახიძე დაინიშნა

ტექსტში შეცდომის აღმოჩენისას, გთხოვთ, მონიშნოთ არასწორი ნაწილი და დააჭირეთ Ctrl + Enter.

ეს ახალი ამბები სხვა ენებზეც ხელმისაწვდომია:

კატეგორიის სხვა ახალი ამბები

ბოლო სიახლეები

ბოლო სიახლეები



orphus_system