თავში

ბიძინა ივანიშვილი იძულებული გახდა - თურნავა

ბიძინა ივანიშვილი იძულებული გახდა - თურნავა
ბიძინა ივანიშვილი იძულებული გახდა - თურნავა

„ჩვენს საზოგადოებას, პარტნიორებსა და მოსახლეობას კარგად მოეხსენება, რომ ბატონი ბიძინა ივანიშვილი დიდი ხანია უკვე დისტანცირებულია პოლიტიკიდან. ბოლო დროს განვითარებულმა მოვლენებმა ის იძულებული გახადა, ასეთი მკვეთრი განცხადებით ეპასუხა,“ - ამის შესახებ ეკონომიკისა და მდგრადი განვითარების მინისტრმა ნათია თურნავამ მთავრობის ადმინისტრაციაში გამართულ ბრიფინგზე განაცხადა. 

მინისტრის თქმით, ბიძინა ივანიშვილის განცხადების ერთ-ერთი მიზეზია ის, რომ ყოფილი პრემიერ-მინისტრის, გიორგი გახარიას პარტია იყენებს ბიძინა ივანიშვილის სახელს. 

„თითქოს ასე აწვდის მოსახლეობას ინფორმაციას, რომ ბიძინა ივანიშვილის პროექტია, რაც აბსოლუტურად არ შეესაბამება სიმართლეს. ამიტომაც მოხდა ასეთი მკვეთრი შეფასებების მიცემა, რაც ასახულია ბატონი ბიძინას განცხადებაში, მათ შორის მან ეს გადაწყვეტილება გადადგომის შეაფასა ღალატის ტოლფას საქციელად. ვფიქრობ, რომ ამ თვალსაზრისით ყველა კითხვაზე პასუხი გაცემულია,“ - განაცხადა ნათია თურნავამ.

თურნავას შეფასებით, ძალიან მნიშვნელოვანია ის, რა მომენტში მოხდა გიორგი გახარიას გადადგომა.

„ეს მოხდა საკმაოდ დინამიურ და რთულ პერიოდში, როდესაც იყო პოლიტიკური დაძაბულობა. ასეთ დროს განსაკუთრებული პასუხისმგებლობა ეკისრება სახელისუფლებო გუნდს მთლიანად და რა თქმა უნდა, მის ხელმძღვანელს - პრემიერ - მინისტრს. ასეთ დროს გადადგომა არის ბრძოლის ველის დატოვება,“ - განაცხადა ნათია თურნავამ.

ტექსტში შეცდომის აღმოჩენისას, გთხოვთ, მონიშნოთ არასწორი ნაწილი და დააჭირეთ Ctrl + Enter.

კატეგორიის სხვა ახალი ამბები

ბოლო სიახლეები

ბოლო სიახლეები



orphus_system