„ნაციონალური მოძრაობის“ ლიდერი ნიკა მელია ბათუმში ჩავიდა, სადაც ვითარება დილიდან უკიდურესად დაძაბულია. ენმ-ს ლიდერის თქმით, სახალმწიფო მიტაცებულია.
„ყოველგვარ კანონიერ საფუძველს გამოცლილია ეს ხელისუფლება. მაყურებელი რასაც თვალყურს ადევნებდა, მათი ნაწილიც ალბათ ბოლომდე ვერ უშვებდა, რომ ეს რეჟიმი ამას იკადრებდა. ეს ხელისუფლება ყველაფერთან ერთად არის მკვლელი ხელისუფლება, რომელსაც მორალური საყრდენი უკვე დიდი ხანია გამოეცალა. ისინი მალე ჩამოინგრევიან და ამ ყველაფერში ძალიან დიდ როლს ითამაშებს ხალხი, არ იქნება არცერთი დღე მოსვენება.
რაც უფრო მეტ სისულელეს გააკეთებენ, მით უფრო სწრაფად დასრულდებიან. მე რასაც ვაკვირდები და ვხედავ ეს რეჟიმი ეცემა და მათი დაცემა ჩვენთვის შუალედური ამოცანა არის, ჩვენი მთავარი ამოცანა კი არის, რომ მათი ჩამოშორების შემდეგ დავიწყოთ ამ სახელმწიფოს განვითარება. მე არც თარიღს ვკიდებ, არც კონკრეტულ ვადას ვასახელებ, ვამბობ, რომ ბრძოლა იქნება გამარჯვებამდე“, - განაცხადა ნიკა მელიამ. ~
ბათუმისა და ზუგდიდში დილიდან ხმაური იყო. საკრებულოების მიერ ბიუჯეტის დამტკიცების პროცესი პროტესტისა და სიტყვიერი დაპირისპირებების ფონზე მიმდინარეობდა.
