თბილისის მოქმედმა მერმა და მერობის კანდიდატმა კახა კალაძემ ჟურნალისტებთან საუბრისას თქვა, რომ მისი ოჯახის წინააღმდეგ ცილისმწამებლური კამპანია მიმდინარეობს, თუმცა, ამის მიუხედავად არასდროს უსაუბრია სიძულვილის ენის გამოყენებით.
„ქართული ოცნება“ და კახა კალაძე დგანან მოწოდების სიმაღლეზე. თქვენ ვერ ნახავთ ვერც ერთ ჩემს განცხადებას ოპონენტის წინააღმდეგ ან ვინმეს წინააღმდეგ, ვერ ნახავთ, სიძულვილის ენა გამომეყენებინოს, საარჩევნო კამპანიის დროს განსაკუთრებით. და თქვენ ერთხელ არ გამოსულხართ – ჩემი ოჯახის წინააღმდეგ მიდის ეს ცილისწამების ვიდეოები, ჩემი შვილები რა, რეზინის შვილები მყავს გგონიათ?! აი, ეს არის რეალობა“, – განაცხადა კახა კალაძემ.
