საქართველოში ევროკავშირის ელჩის, კარლ ჰარცელის თქმით, მეორე რაუნდის საარჩევნო კამპანიის დროს, ქვეყანაში კვლავ პოლარიზაციის მაღალი დონეა, რაც საარჩევნო გარემოზე ნეგატიურად აისახება.
"ვფიქრობ, მეორე რაუნდის კამპანიის დროს ჩვენ კვლავ ვხედავთ პოლარიზაციის მაღალ დონეს, ურთიერთშეურაცხყოფას, რაც არ უწყობს ხელს ისეთი საარჩევნო გარემოს შექმნას, როგორიც უნდა იყოს", – განაცხადა კარლ ჰარცელმა.
შეგახსენებთ, საქართველოში ადგილობრივი თვითმმართველობის არჩევნების მეორე ტური 30 ოქტომბერს, 5 თვითმმართველ ქალაქში, 15 მუნიციპალიტეტში და 24 საარჩევნო ოლქში გაიმართება.
