საქართველოს პრეზიდენტი სოციალურ ქსელ "ტვიტერზე" NATO-ს სამიტთან დაკავშირებით წერს, რომ მიესალმება ჩრდილოატლანტიკური ალიანსის ვალდებულებას საქართველოს ტერიტორიული მთლიანობის, შავი ზღვის უსაფრთხოებისა და სტაბილურობის მიმართ.
"მივესალმები NATO-ს განახლებულ და მტკიცე ვალდებულებას საქართველოს ტერიტორიული მთლიანობის, შავი ზღვის უსაფრთხოებისა და სტაბილურობის, ასევე ღია კარის პოლიტიკის მიმართ. ინტეგრაციისკენ მიმავალი ჩვენი გზა ნათელია და ძლიერდება ჩვენი პარტნიორების სოლიდარობით!"- წერს სალომე ზურაბიშვილი.