ჩვენი მთავარი მიზანი უსაფრთხო გარემოში თავისუფალი და სამართლიანი არჩევნების ჩატარებაა, რასაც არსებითი მნიშვნელობა აქვს ჩვენი ევროპული და ევროატლანტიკური მისწრაფებებისთვის, - ამის შესახებ საქართველოს პრემიერ-მინისტრი ირაკლი ღარიბაშვილი სოციალურ ქსელ "ტვიტერში" წერს.
"საქართველო აფასებს COVID-19-ის პერიოდში ეუთოს/დემოკრატიული ინსტიტუტებისა და ადამიანის უფლებების ოფისის დაინტერესებას, მხარდაჭერას და აქტიურ ჩართულობას საქართველოს საარჩევნო პროცესის მონიტორინგში. ჩვენი მთავარი მიზანია თავისუფალი და სამართლიანი არჩევნების ჩატარება უსაფრთხო გარემოში, რასაც არსებითი მნიშვნელობა აქვს ჩვენი ევროპული და ევროატლანტიკური მისწრაფებებისთვის", - წერს ირაკლი ღარიბაშვილი.
ცნობისთვის, საქართველოში ადგილობრივი თვითმმართველობის არჩევნები 2 ოქტომბერს ჩატარდება.
