აშშ-ის კონგრესმენი მარქუინ მალინი საქართველოში საკონსტიტუციო ცვლილების დამტკიცებას საკუთარ Twitter-ის გვერდზე გამოეხმაურა და აღნიშნა, რომ ეს დემოკრატიისკენ გადადგმული დიდი ნაბიჯია. მისი თქმით, მიუხედავად პოზიტიური ცვლილებისა, სამუშაო კიდევ ბევრია და ის განაგრძობს ქართველი ხალხისთვის მხარდაჭერას.
,,მოხარული ვარ, რომ საქართველომ ცვლილებები შეიტანა კონსტიტუციაში მეტად პროპორციული არჩევნების კუთხით. ეს წინგადადგმული დიდი ნაბიჯია ნამდვილი დემოკრატიისკენ, თუმცა, სამუშაო ჯერ კიდევ ბევრია. მე მხარს დავუჭერ ქართველ ხალხს და დავეხმარები მათ ძლიერი დემოკრატიის შექმნაში," - განაცხადა აშშ-ის კონგრესმენმა, მარქუინ მალინმა.
I'm glad to see Georgia adopted constitutional amendments for more proportional elections. This is a great step in becoming a true democracy, but there is still work to do. I'll continue to support the Georgian people in their fight for a strong democracy. https://t.co/756JlyLLSY
— Markwayne Mullin (@RepMullin) June 29, 2020
ცნობისთვის, პარლამენტმა საკონსტიტუციო ცვლილებები მესამე მოსმენით დაამტკიცა.
საკონსტიტუციო ცვლილებების თანახმად, 2020 წლის საპარლამენტო არჩევნები შერეული საარჩევნო სისტემით 120/30 და 1%-იანი ბარიერით უნდა ჩატარდეს.