საქართველოს საგარეო საქმეთა მინისტრი დავით ზალკალიანი აზერბაიჯანს რესპუბლიკის დღეს ულოცავს.
შესაბამისი განცხადება მინისტრმა სოციალურ ქსელ „ტვიტერში“ გაავრცელა.
„თბილი მილოცვა აზერბაიჯანის რესპუბლიკის დღესთან დაკავშირებით. ვუსურვებთ წარმატებას და კეთილდღეობას ჩვენს მეზობლებს, სტრატეგიულ პარტნიორებს და ბედნიერებას აზერბაიჯანელ მეგობრებს“, – წერს დავით ზალკალიანი.
მინისტრის განცხადება „ტვიტერში“ გააზიარა საქართველოს საგარეო საქმეთა სამინისტრომაც.
„ვუგზავნით აზერბაიჯანსა დ მის ხალხს გულწრფელ მილოცვას რესპუბლიკის დღესთან დაკავშირებით. მშვიდობა და კეთილდღეობა ჩვენს პარტნიორებს“, – ნათქვამია უწყების განცხადებაში.
Very warm congratulations on the Republic Day of Azerbaijan! Wishing success & wellbeing to our neighbours & strategic partners and happiness to Azerbaijanian friends! @AzerbaijanMFA
— David Zalkaliani (@DZalkaliani) May 28, 2020