„შეშფოთებული ვართ ერაყში ესკალაციითა და ძალადობით. ვგმობთ ბაღდადში აშშ-ის საელჩოზე ბოლოდროინდელ თავდასხმას. დიპლომატიური მისიები უსაფრთხოება და დაცვა ვენის კონვენციის შესაბამისად უნდა იყოს უზრუნველყოფილი“, – საქართველოს საგარეო საქმეთა მინისტრი დავით ზალკალიანი ბაღდადში განვითარებულ მოვლენებს სოციალურ ქსელში ეხმაურება.
ბაღდადში მდებარე აშშ-ის დიპლომატიური კორპუსი, საპროტესტო აქციის მონაწილეებმა დაარბიეს.
აქციის მონაწილეები აშშ-ის მიერ ერაყის ტერიტორიაზე განხორციელებულ იერიშს აპროტესტედნენ, რომლის შედეგადაც ირანის მხარდაჭერით მოქმედი 25 მებრძოლი გარდაიცვალა.
ირანის მხარდაჭერით მოსარგებლე სწორედ ამ დაჯგუფებას ეკისრებოდა პასუხისმგებლობა კირკუკში განხორციელებულ თავდასხმაზე, რასაც ამერიკელი სამხედრო ემსხვერპლა.
Concerned with escalation and violence in Iraq. We condemn recent attack on US Embassy in Baghdad. Security and protection of diplomatic missions must be ensured in line with Vienna Convention. @SecPompeo @StateDept
— David Zalkaliani (@DZalkaliani) January 1, 2020