მე-9 მოწვევის პარლამენტი მუშაობას დღეს დაასრულებს. საქართველოს საკანონმდებლო ორგანო ბოლო პლენარულ სხდომას გამართავს.
რეგლამენტის თანახმად, პარლამენტმა სესიების ჩატარება არჩევნებამდე ერთი თვით ადრე უნდა შეწყვიტოს.
მე-9 მოწვევის პარლამენტი მუშაობას 2016 წლის 18 ნოემბერს შეუდგა და 4 წლის განმავლობაში ორი თავმჯდომარე გამოიცვალა. თავდაპირველად, პარლამენტს ირაკლი კობახიძე ხელმძღვანელობდა, შემდეგ კი, 2019 წლის ივნისის მოვლენების გამო, ის თანამდებობიდან გადადგა და პარლამენტის თავმჯდომარე არჩილ თალაკვაძე გახდა.
4-წლიანი საქმიანობის განმავლობაში საქართველოს საკანონმდებლო ორგანომ მიიღო არაერთი კანონპროექტი, მათ შორის ცვლილებები „საარჩევნო კოდექსში“.
