საქართველოს საგარეო საქმეთა მინისტრი დავით ზალკალიანი აშშ-ის თავდაცვის მდივნის, ლოიდ ოსტინის მიერ Twitter-ზე გაკეთებულ განცხადებას ეხმაურება.
"საქართველოსა და აშშ-ს შორის სამაგალითო თანამშრომლობა უსაფრთხოებისა და თავდაცვის კუთხით მომდევნო წლებში გაძლიერდება. ძალიან ვაფასებთ აშშ-ის ურყევ მხარდაჭერას საქართველოს თავდაცვის შესაძლებლობებისადმი, ჩვენი გამძლეობისა და ევროატლანტიკური ინტეგრაციის მიმართ",- წერს ზალკალიანი.
აშშ-ის თავდაცვის მდივანი საქართველოს თავდაცვის მინისტრთან, ჯუანშერ ბურჭულაძესთან გამართულ სატელეფონო საუბარს საკუთარ Twitter-ზე გამოეხმაურა და აღნიშნა, რომ აშშ რჩება საქართველოს სუვერენიტეტისა და ტერიტორიული მთლიანობის მტკიცე მხარდამჭერად.
Exemplary defense and security cooperation between US and Georgia will strengthen in the years ahead. Deeply appreciate unwavering US support to Georgiaâs defense capabilities, our resilience & Euro-Atlantic integration.@SecDef @ModGovGe https://t.co/c7oAWmTEfV
— David Zalkaliani (@DZalkaliani) March 4, 2021
