საქართველოს ჯანდაცვის მინისტრი ეკატერინე ტიკარაძე აცხადებს, რომ ჯანდაცვის ახალი მინისტრის ვინაობის შესახებ ინფორმაცია არ აქვს.
მისივე თქმით, პრემიერ-მინისტრი ირაკლი ღარიბაშვილი ვისაც დაასახელებს, მისთვისაც მისაღები იქნება.
"პრემიერი მიიღებს გადაწყვეტილებას და ეს ადამიანი იქნება ჩემთვისაც მისაღები და მასთან გავაგრძელებთ თანამშრომლობას", - განაცხადა ეკატერინე ტიკარაძემ.
ცნობისთვის, საქართველოს ჯანდაცვის მინისტრმა თანამდებობის დატოვების შესახებ 9 დეკემბერს განაცხადა.
ეკატერინე ტიკარაძე თანამდებობაზე წლის ბოლომდე დარჩება.
