თავში

ეს არის პირდაპირ რუსული პოლიტიკის გაგრძელება - ღარიბაშვილი

ეს არის პირდაპირ რუსული პოლიტიკის გაგრძელება - ღარიბაშვილი
ეს არის პირდაპირ რუსული პოლიტიკის გაგრძელება - ღარიბაშვილი

თქვენ გამოხვედით ახლა და ამბობთ, რომ ქვეყანა არ არის მზად, გახდეს  NATO-ს წევრი. ამაზე მეტი პრორუსული განცხადება მითხარით, რომელია მაშინ. ეს არის პირდაპირ რუსული პოლიტიკის გაგრძელება და გატარება, - ამის შესახებ საქართველოს პრემიერ-მინისტრმა ირაკლი ღარიბაშვილმა პარლამენტში ანგარიშისა და ქვეყნის განვითარების ათწლიანი გეგმის წარდგენისას კითხვა-პასუხის რეჟიმში განაცხადა.

როგორც მთავრობის მეთაურმა აღნიშნა, როდესაც ქვეყანა აქტიურად მუშაობდა ვიზალიბერალიზაციის მიმართულებით, მაშინაც ოპონენტები აქტიურად ითხოვდნენ, რომ საქართველოსთვის არ მიეცათ უვიზო რეჟიმი.

„NATO-ზე მოვისმინეთ ჩვენ ოპონენტების მხრიდან, თითქოს ჩვენი ქვეყანა არ არის მზად, გახდეს NATO-ს წევრი ქვეყანა. რამდენად გამაოგნებელი შეიძლება იყოს ეს, როცა ჩვენი ქვეყნის მოქალაქე, აღარ მაქვს საუბარი იმაზე, რომ არის პარლამენტის წევრი, არჩეული, გამოდის და საუბრობს, რომ ჩვენი ქვეყანა არ არის მზად გახდეს NATO-ს წევრი. რა მახსენდება იცით, მეგობრებო? როდესაც ვიზალიბერალიზაციის სამოქმედო გეგმაზე ვმუშაობდით, მაშინ ევროკავშირში დავდიოდით, გვიწევდა ხშირად მუშაობა და ვიზიტები, მაშინ ოპონენტები დადიოდნენ აქტიურად და ითხოვდნენ, რომ არ მიეცეს საქართველოს ვიზალიბერალიზაცია, უვიზო რეჟიმი. ეს არის სიმართლე. ეს არის ჩვეულებრივი პოლიტიკური მავნებლობა. ეს არის ანტისახელმწიფოებრივი ქმედება, რომელიც შეიძლება ჩაიდინოს ადამიანმა და მით უმეტეს პარლამენტარმა, პოლიტიკოსმა. ძალიან სამწუხაროა. გვარები დამისახელეს, დავით ბაქრაძე, თქვენი გუნდის წევრი იყო, კანდელაკი იყო, თქვენ გამოხვედით ახლა და ამბობთ, რომ ქვეყანა არ არის მზად, გახდეს NATO-ს წევრი. ამაზე მეტი პრორუსული განცხადება მითხარით, რომელია მაშინ. ეს არის პირდაპირ რუსული პოლიტიკის გაგრძელება და გატარება,“- აღნიშნა პრემიერმა.


NNНажмите здесь, чтобы Ответить или Переслать

ტექსტში შეცდომის აღმოჩენისას, გთხოვთ, მონიშნოთ არასწორი ნაწილი და დააჭირეთ Ctrl + Enter.

კატეგორიის სხვა ახალი ამბები

ბოლო სიახლეები

ბოლო სიახლეები



orphus_system