თავში

ევროკავშირი: რუსეთის წვრთნები საქართველოს ტერიტორიაზე, არღვევს საერთაშორისო სამართლის ნორმებს

ევროკავშირი: რუსეთის წვრთნები საქართველოს ტერიტორიაზე
ევროკავშირი: რუსეთის წვრთნები საქართველოს ტერიტორიაზე, არღვევს საერთაშორისო სამართლის ნორმებს

სამხედრო წვრთნები სუვერენული სახელმწიფოს ტერიტორიაზე, ამ სახელმწიფოს თანხმობის გარეშე, არღვევს საერთაშორისო სამართლის ნორმებს და პრინციპებს, რაც ასახულია გაერო-ს ქარტიაში, ჰელსინკის საბოლოო აქტსა და პარიზის ქარტიაში, – ნათქვამია ეუთო-ში ევროკავშირის მისიის მიერ გავრცელებულ განცხადებაში, რომელიც ოკუპირებულ აფხაზეთსა და ცხინვალის რეგიონში მიმდინარე რუსეთის ფართომასშტაბიან სამხედრო წვრთნებს, „კავკასია 2020“-ს ეხება.

საქართველოს საგარეო საქმეთა სამინისტროს პრესსამსახურის მიერ გავრცელებულ ინფორმაციაში აღნიშნულია, რომ ევროკავშირი ადასტურებს თავის მტკიცე მხარდაჭერას საქართველოს სუვერენიტეტისა და ტერიტორიული მთლიანობის მიმართ საერთაშორისოდ აღიარებული საზღვრების ფარგლებში და მოუწოდებს რუსეთს, შეასრულოს საერთაშორისოდ ნაკისრი ვალდებულებები, მათ შორის, „ცეცხლის შეწყვეტის შესახებ“ ევროკავშირის შუამავლობით 2008 წლის 12 აგვისტოს ხელმოწერილი შეთანხმებით გათვალისწინებული ვალდებულებები.

დღეს, ეუთო-ს უსაფრთხოების თანამშრომლობის ფორუმზე წევრი ქვეყნების დელეგაციებმა დაგმეს რუსეთის სამხედრო წვრთნები „კავკასია 2020“; საქართველოს მხარდამჭერი განცხადებები გააკეთეს ასევე აშშ-ის, კანადის, გაერთიანებული სამეფოსა და უკრაინის დელეგაციებმა.

ტექსტში შეცდომის აღმოჩენისას, გთხოვთ, მონიშნოთ არასწორი ნაწილი და დააჭირეთ Ctrl + Enter.

კატეგორიის სხვა ახალი ამბები

ბოლო სიახლეები

ბოლო სიახლეები



orphus_system