თავში

ევროსაბჭომ "დეპორტირებულების საქმეზე" რუსეთი მკაცრად გააკრიტიკა

ევროსაბჭომ "დეპორტირებულების საქმეზე" რუსეთი მკაცრად გააკრიტიკა
ევროსაბჭომ დეპორტირებულების საქმეზე რუსეთი მკაცრად გააკრიტიკა

ევროპის საბჭოს მინისტრთა კომიტეტმა ე.წ. დეპორტირებულების საქმის აღუსრულებლობის გამო რუსეთი მკაცრად გააკრიტიკა, - ამის შესახებ report.ge-ს საქართველოს იუსტიციის სამინისტროდან აცნობეს. 

უწყების ინფორმაციით, 2020 წლის 3-5 მარტს ევროპის საბჭოს მინისტრთა კომიტეტმა ე.წ. დეპორტირებულების საქმის აღსრულების პროცესი შეაფასა და მწვავედ გააკრიტიკა რუსეთის ფედერაცია. კერძოდ, კომიტეტმა სრულად გაიზიარა საქართველოს მთავრობის მიერ წარდგენილი არგუმენტები და რუსეთს კიდევ ერთხელ მიუთითა, რომ კომპენსაციის გადახდა არის უპირობო ვალდებულება ევროპული კონვენციის 46-ე მუხლის პირველი პუნქტის შესაბამისად. ამიტომ ევროსაბჭოს წევრმა სახელმწიფოებმა რუსეთი მკაცრად გააკრიტიკეს იმის გამო, რომ კომპენსაციის გადახდის წინაპირობად კვლავ საქართველოდან სიის წარდგენას ითხოვს, რაც ეწინააღმდეგება ევროპული სასამართლოს გადაწყვეტილებას.

მინისტრთა კომიტეტის გადაწყვეტილებაში აღნიშნულია, რომ კომპენსაციის გადახდის ვადა 2019 წლის 30 აპრილს ამოიწურა და რუსეთი დღემდე არ ასრულებს ამ ვალდებულებას, რის გამოც მინისტრთა კომიტეტი ღრმა შეშფოთებას გამოთქვამს და რუსეთს მოუწევს ყოველ გადაცილებულ დღეზე პირგასამტეხლოს გადახდა.

ზემოთქმულის გათვალისწინებით, მინისტრთა კომიტეტმა რუსეთის ხელისუფლებას დაავალა, კომპენსაციის გადახდის თავისებურებებზე ყოველგვარი დამატებითი დაგვიანების გარეშე კონსულტაციები გამართოს მინისტრთა კომიტეტის სამდივნოსთან და სხვებს შორის, განხილულ იქნეს ტრანზაქციის საკითხში ევროპის საბჭოს შუამავლად გამოყენების შესაძლებლობა.

რუსეთის ფედერაციის წინააღმდეგობის მიუხედავად, კომიტეტმა დააკმაყოფილა საქართველოს მოთხოვნა და "დეპორტირებულების საქმეზე" ხელახალი დებატები უახლოეს სხდომაზე - 2020 წლის ივნისში ჩანიშნა.

ე.წ. დეპორტირებულების საქმეზე კომიტეტმა გადაწყვეტილებები 2019 წლის 23-25 სექტემბერსა და 3-5 დეკემბერს მიიღო და რუსეთს კომპენსაციის სახით 10 მილიონი ევროს საქართველოსთვის დაუყოვნებლივ გადახდისკენ მოუწოდა.

ტექსტში შეცდომის აღმოჩენისას, გთხოვთ, მონიშნოთ არასწორი ნაწილი და დააჭირეთ Ctrl + Enter.

კატეგორიის სხვა ახალი ამბები

ბოლო სიახლეები

ბოლო სიახლეები



orphus_system