19 აპრილის შეთანხმებას არღვევს ყველა - ამის შესახებ „მოქალაქეების" ერთ-ერთმა ლიდერმა ალეკო ელისაშვილმა ჟურნალისტებთან განაცხადა.
როგორც მან აღნიშნა, სწორედ აღნიშნულ საკითხზე ისაუბრებს მისი თანაპარტიელი ლევან იოსელიანი შარლ მიშელთან შეხვედრისას,
„ყველა არღვევს ვისაც არ ეზარება. „ქართულმა ოცნებამ" ურთულესი მუხლი დაარღვია, ეს არის მოსამართლეების და მართლმსაჯულების რეფორმა. მანამდე სხვებმა დაარღვიეს, „ლელომაც" დაარღვია, რადგან შეთანხმებას ხელი მოაწერა და საარჩევნო კანონმდებლობას ხმა არ მისცა. „ნაციონალური მოძრაობა" საერთოდ არ შეუერთდა შეთანხმებას, მაგრამ პარლამენტში შემოვიდა და ა.შ“, - განაცხადა ელისაშვილმა.
