თავში

გააღვიძონ მოსამართლე, შეცვალონ გადაწყვეტილება, დაუბრუნდნენ მოლაპარაკების მაგიდას - უგულავა

გააღვიძონ მოსამართლე, შეცვალონ გადაწყვეტილება, დაუბრუნდნენ მოლაპარაკების მაგიდას - უგულავა
გააღვიძონ მოსამართლე, შეცვალონ გადაწყვეტილება, დაუბრუნდნენ მოლაპარაკების მაგიდას - უგულავა

ვიქნებით მტკიცე, თუ უნდათ სპეცრაზმით მოვიდნენ, მაინც არაფერი შეიცვლება. ჩვენი პოზიცია რჩება უცვლელი, – ამის შესახებ „ევროპული საქართველოს“ წევრმა, გიგი უგულავამ განაცხადა.

ის გამოდის ინიციატვით, რომ შეიცვალოს მოსამართლის გადაწყვეტილება და მხარეები კვლავ დაუბრუნდნენ მოლაპარაკების მაგიდას. 

უგულავა ასევე გამოეხმაურა საქართველოში აშშ-ის საელჩოს განცხადებას. როგორც უგულავამ აღნიშნა, მშვიდობიანი მოლაპარაკებისთვის მზად არიან, თუმცა ამას პოლიციისა და სპეცრაზმის გამოგზავნა ხელს არ უწყობს. მისივე თქმით, ძალის გამოყენებით საკითხი ვერ გადაწყდება და ქვეყანა კრიზისში აღმოჩნდება. 

„მინდა, გამოვეხმაურო აშშ-ის საელჩოს განცხადებას, ცალსახად ჩვენი პარტნიორები მოგვიწოდებენ მშვიდობიანი მოლაპარაკებისკენ. ალბათ ხვდებით, რომ პოლიცია მშვიდობიანი მომლაპარაკებლები არ და ვერ იქნება. ჩვენ ყოველთვის ვამბობდით, რომ პოლიტიკური საკითხების გადაწყვეტა სასამართლოს, სპეცრაზმის და ძალის მეთოდებით ვერ მოხდება. რა თქმა უნდა, ჩვენ მზად ვართ მშვიდობიანი მოლაპარაკებისთვის, მაგრამ პოლიციისა და სპეცრაზმის გამოგზავნა ამას ხელს არ უწყობს. ამ ვიტარებიდან ერთადერთი გამოსავალია, ნიკა მელია ციხეში არ წავა, რადგან დღეს ნიკა მელიას დაპატიმრება თავისუფლების დასამარებას ნიშნავს.

ნიკა მელიას დაპატირება ნიშნავს, რომ ჩვენ ფსიქოლოგიურად ვბარდებიტ რუსეთს. რეგიონში ჩვენ ვართ ყველაზე თავისუფალი ერი და ასეთად დავრჩებით. ამიტომ, ბევრი რამ დევს სასწორზე. ეს მარტო ერთი კაცის ამბავი და ერთთ კაცის ისტორია არ არის. ვინაიდან, ამხელა რამე დევს სასწორზე. გამოსავალია მხოლოდ მოლაპარაკება, რასაც სპეცრაზმით არავინ აწარმოებს. ხელისუფლებამ უნდა გააცნობიეროს, რომ პოლიტიკური რეპრესიებით, ძალით ეს ვერ გადაწყდება. არამედ უფრო გაღრმავდება და კატასტროფული კრიზისის სახეს მიიღებს. ამიტომ, გამოსავალი მარტივია, რაც გააფუჭეს, თვითონვე გააკეთონ. გააღვიძონ მოსამართლე, შეცვალონ გადაწყვეტილება, დაუბრუნდნენ მოლაპარაკების მაგიდას და ვისაუბროთ რიგგარეშე არჩევნებზე. ხალხმა უნდა გადაწყვიტოს, ვინ არის მართალი და ვინ გამოიყვანს ქვეყანას კრიზისიდან“, – განაცხადა გიგი უგულავამ.

საქართველოში აშშ-ის საელჩომ მოუწოდა ხელისუფლებას და ოპოზიციას, გამოიჩინონ მაქსიმალური თავშეკავება ნიკა მელიას საქმეზე სასამართლოს გადაწყვეტილებასთან დაკავშირებით.

ტექსტში შეცდომის აღმოჩენისას, გთხოვთ, მონიშნოთ არასწორი ნაწილი და დააჭირეთ Ctrl + Enter.

კატეგორიის სხვა ახალი ამბები

ბოლო სიახლეები

ბოლო სიახლეები



orphus_system