ბათუმის ახლადარჩეული საკრებულოს პირველ სხდომაზე გიორგი გახარიას პარტიის "საქართველოსთვის" წევრები არ მივლენ. ამის შესახებ დღეს პარტიის ოფისში გამართულ ბრიფინგზე ირაკლი მიქელაძემ განაცხადა.
მისი თქმით, ექს-პრემიერის გუნდი აძლევს საშუალებას "ქართულ ოცნებასა" და "ნაციონალურ მოძრაობას" დამოუკიდებლად გადაწყვიტონ საკრებულოს ფუნქციონირებისთვის საჭირო საკითხები.
"არ ვაპირებთ არავის სცენარში მონაწილეობას მიღებას", - განაცხადა ირაკლი მიქელაძემ.
