პარლამენტის ვიცე-სპიკერმა, გია ვოლსკიმ ზაზა გახელაძის საკითხთან დაკავშირებით ისაუბრა. მისი თქმით, არ დარჩა არც ერთი საერთაშორისო ფორუმი, სადაც რუსეთის აგრესიული პოლიტიკის გამო კონკრეტულ ზომებს არ იღებენ იღებენ.
ვოლსკის თქმით, საქართველო ხშირად ახდენს საერთაშორისო თანამეგობრობის მობილიზებას იმისთვის, რომ რუსეთმა პოლიტიკური და ეკონომიკური ფასი გადაიხადოს, მათი დესტრუქციული ქმედებების გამო.
" გახელაძე მათ შორის არის, რომელსაც რუსეთის საოკუპაციო ძალები დღეს ამყოფებენ ტყვეობაში. ამასთან დაკავშირებით ძალიან ბევრი განცხადებაც გაკეთდა და მოქმედებები, კონკრეტულად განსაკუთრებულად დიპლომატიურ ასპარეზზე არის ინტენსიური და საკმაოდ ხისტი. ეს არ არის მხოლოდ საქართველოს პოზიცია," - აცხადებს ვიცე-სპიკერი.
