"გირჩი - მეტი თავისუფლებამ" ადგილობრივი თვითმმართველობის არჩევნებში თბილისის მასშტაბით, ოპოზიციურ პარტიებთან ერთჯერადად თანამშრომლობის გადაწყვეტილება მიიღო.
პარტია თბილისის მერად "ძალა ერთობაშია - გაერთიანებული ოპოზიციის" კანდიდატს ნიკა მელიას დაუჭერს მხარს. ამის შესახებ საგანგებო ბრიფინგზე პარტიის წევრმა ცოტნე კობერიძემ განაცხადა.
მისივე განმარტებით, სანაცვლოდ 2021 წლის თვითმმართველობის არჩევნებზე "გირჩი - მეტი თავისუფლება" ვიცე-მერის საკუთარ კანდიდატს წარადგენს. ვიცე მერობის კანდიდატი კი ზურაბ ჯაფარიძე იქნება.
ამასთან პარტიას თბილისში 3 ან მეტი მაჟორიტარობის კანდიდატიც ეყოლება და ამ ოლექბში სხვა პარტიებისგან მხარდაჭერას მიიღებს.
კენჭისყრის პროცესი პარტიის წევრთა Facebook ჯგუფში დღეს, 23 ივლისს 12:00 საათზე დაიწყო და 20:00 საათზე დასრულდა. გადაწყვეტილება კენჭისყრაში მონაწილე წევრთა ხმათა უმრავლესობით მიიღეს.