საქართველოს პარლამენტის წევრმა, შავი ზღვის ეკონომიკური თანამშრომლობის საპარლამენტო ასამბლეის (PABSEC) სამართლებრივ და პოლიტიკურ საკითხთა კომიტეტის თავმჯდომარის მოადგილემ რამაზ ნიკოლაიშვილმა აზერბაიჯანში, ბაქოში რიგგარეშე საპარლამენტო არჩევნების სადამკვირვებლო მისიაში მიიღო მონაწილეობა,- ამის შესახებ report.ge-ს პარლამენტის საზოგადოებასთან ურთიერთობის სამსახურიდან აცნობეს.
აზერბაიჯანის პარლამენტის (მილი მეჯლისი) რიგგარეშე არჩევნები მიმდინარე წლის 9 თებერვალს გაიმართა. არჩევნების წინასწარი შედეგებით, მმართველმა პოლიტიკურმა პარტიამ მანდატების დიდი ნაწილი – 125 მანდატიდან 65 მოიპოვა.
PABEC-ის სადამკვირვებლო მისიამ არჩევნების მიმდინარეობის გარემოსთან დაკავშირებით პრესკონფერენცია გამართა.
