,,წარმოდგენა არ მაქვს. დღეის მდგომარეობით ჩემთვის ყველაზე მნიშვნელოვანი არის ეპიდემიოლოგია, ეკონომიკური რეფორმები და პოსტკრიზისული ეკონომიკური გეგმა", - ასე უპასუხა პრემიერ-მინისტრმა ჟურნალისტების კითხვას, იქნება თუ არა "ქართული ოცნების" სიის პირველი ნომერი.
,,ახლა ძალზედ მნიშვნელოვანი ხდება ისეთი მიმდინარე პროცესები, როგორიც არის გამოცდები, რომელიც დღეს დაიწყო და კიდევ ბევრი რამ“, - განაცხადა გიორგი გახარიამ.
მისივე ინფორმაციით ,,ქართული ოცნების" სიის დაკომპლექტებაზე კონსულტაციები ამ ეტაპზე დაწყებული არაა.