კახა კუჭავა საქართველოს პარლამენტის თავმჯდომარის რანგში პირველი ოფიციალური ვიზიტით ბრიუსელს ეწვევა. ამის შესახებ მან დღს განაცხადა.
კუჭავას თქმით, ევროპის პოლიტიკურ დედაქალაქში ვიზიტისას საქართველოს პარლამენტის დელეგაცია ევროპალამენტის პრეზიდენტთან და სხვადასხვა პოლიტიკური ჯგუფის წარმომადგენელთან გამართავს შეხვედრას.
„ჩემთვის ძალიან მნიშვნელოვანია, რომ პირველი ოფიციალური ვიზიტი თავმჯდომარის რანგში ბრიუსელში გაიმართება, ძალიან საინტერესო შეხვედრებია ჩანიშნული. პირველ რიგში მნიშვნელოვანია, რომ ჩვენ დელეგაციას გვექნება შეხვედრა ევროპარლამენტის პრეზიდენტთან. ასევე ვხვდებით სხვადასხვა პოლიტიკური ჯგუფის წარმომადგენელს, აღმასრულებელი ხელისუფლების წარმომადგენლებს“, - განაცხადა კუჭავამ.
