კარგი სატელეფონო საუბარი პრეზიდენტთან - ასე ეხმაურება ნატოს გენმდივანი სალომე ზურაბიშვილთან გამართულ სატელეფონო საუბარს.
"მივესალმე პოლიტიკურ ძალებს შორის შეთანხმებას საქართველოში. ჩვენ ვისაუბრეთ უსაფრთხოების შესახებ შავი ზღვის რეგიონში და გამოვთქვით საერთო შეშფოთება რუსეთის სამხედრო გაძლიერების შესახებ. მე მადლობა გადავუხადე მას საქართველოს მიერ ავღანეთში, ჩვენს მისიაში შეტანილი წვლილისთვის" - წერს იენს სტოლტენბერგი Twitter-ზე.
ცნობისთვის, საქართველოს პრეზიდენტ სალომე ზურაბიშვილსა და ნატო-ს გენერალურ მდივან იენს სტოლტენბერგს შორის სატელეფონო საუბარი დღეს შედგა.
