ევროკავშირის ელჩი კარლ ჰარცელი საქართველოს დამოუკიდებლობის აღდგენის დღეს ულოცავს. ამის შესახებ ელჩი "ტვიტერზე" წერს.
„ვულოცავ საქართველოს დამოუკდებლობის აღდგენის დღეს. ამ დღეს ქვეყანა იხსენებს ადამიანებს, რომლებიც საბჭოთა სამხედროებს წინ აღუდგნენ და ტრაგიკულად დაიღუპნენ 1989 წელს. მათი მსხვერპლი არასდროს იქნება დავიწყებული“, – წერს კარლ ჰარცელი.
შეგახსენებთ, რომ დღეს, 1989 წლის 9 აპრილის ტრაგედიიდან 31 წელი შესრულდა.
1989 წლის 9 აპრილს, გამთენიისას, საბჭოთა კავშირის შეიარაღებული ძალების ნაწილებმა თბილისის ცენტრში, პარლამენტის შენობასთან, მშვიდობიანი საპროტესტო აქცია დაარბიეს, რასაც 21 ადამიანის სიცოცხლე შეეწირა, ხოლო ათასობით მოქალაქე დაუდგენელი შემადგენლობის გაზით მოიწამლა.
ორი წლის შემდეგ 1991 წლის 9 აპრილს უზენაესმა საბჭომ საქართველოს სახელმწიფოებრივი დამოუკიდებლობის აღდგენა გამოაცხადა.
Congratulations to #Georgia on 9 April, celebrating its restoration of independence and commemorating those who tragically lost their lives standing up to Soviet troops on this day in 1989.
— Carl Hartzell (@CarlHartzellEU) April 9, 2020
Their sacrifice will never be forgotten. pic.twitter.com/v9j16DvEYw
