"ქართულმა ოცნებამ" მარნეულის მერობის კანდიდატად კენან ომაროვი წარადგინა. მარნეულის მერობის კანდიდატის კენან ომაროვის წარდგენას პრემიერ-მინისტრი, პარლამენტის თავჯდომარე და დეპუტატები ესწრებოდნენ.
"მარნეული ცნობილია მშრომელი ხალხით, ამიტომაც ქართული ეკონომიკისთვის მნიშვნელოვანი ქალაქია. დარწმუნებული ვარ, რომ მარნეულელები სწორ არჩევანს გააკეთებთ, პატივს დამდებთ და ქალაქის მართვას მანდობთ, რაც იმის გარანტია იქნება, რომ ყველა მიმდინარე პროექტი სრულყოფილად დასრულდება და კიდევ უფრო მასშტაბურ პროექტებს განვახორციელებთ," - განაცხადა მარნეულის მერობის კანდიდატმა "ქართული ოცნებიდან" კენან ომაროვმა.
