შერიგებისა და სამოქალაქო თანასწორობის საკითხებში სახელმწიფო მინისტრი ბრიუსელში, ნატო-ს გენერალური მდივნის მოადგილეს, მირჩა ჯოანას შეხვდა.
"ჩვენ გვქონდა ორმხრივი შეხვედრა NATO-ს გენერალური მდივნის მოადგილესთან, ძალიან პროდუქტიული შეხვედრა, სადაც განვიხილეთ, რა თქმა უნდა, ოკუპაციასა და ადგილზე არსებულ ვითარებასთან დაკავშირებული ყველა მწვავე საკითხი. ასევე ნატო-საქართველოს თანამშრომლობის ძირითადი ასპექტები და ის დღის წესრიგი, რომელიც ჩვენ 2020-ში გვაქვს, რაც კიდევ უფრო გაამყარებს ჩვენს პარტნიორობას", - განაცხადა ქეთევან ციხელაშვილმა.
