სახელმწიფოს ახლა ერთადერთი ფუნქცია აქვს, რომ მეტი აღარ შეუშალოს ხელი ბიზნესს და საზოგადოებას, - ამის შესახებ გენეტიკის ეროვნული ლაბორატორიის ხელმძღვანელმა გიორგი ჩალაძემ განაცხადა.
მისი თქმით, ხელისუფლების წარმომადგენლებს შეზღუდვები მიზანმიმართულად შემოაქვთ, რადგან სხვაგვარად ქვეყნის მართვა არ შეუძლიათ.
"ნუ გადაემტერება ხალხს და ნუ ცდილობს მიზანმიმართულად ბიზნესის გაკოტრებას. ამას იმიტომ აკეთებენ, რომ სხვაგვარად ქვეყნის მართვა არ შეუძლიათ და ესენი არიან სახლში გასაშვებები. ისინი უნდა წავიდნენ პენსიაზე და პროფესიონალებს დააცადონ ქვეყნის მართვა", - განაცხადა გიორგი ჩალაძემ.
