ცენტრალურ საარჩევნო კომისიასთან ხმაურია. სამოქალაქო აქტივისტები საპროტესტო აქციას მართავენ.
აქციის მონაწილეები შეკრების მიზეზად ტელეკომპანია "რუსთავი 2-ისთვის" ცესკო-ს თავმჯოდომარის, თამარ ჟვანიას მიერ მიცემულ ინტერვიუს ასახელებენ.
აქტივისტების თქმით, მათ სურდათ, თამარ ჟვანიასთვის კიდევ ერთხელ მიეწვდინათ ხმა, რომ მან არჩევნები გააყალბა და უნდა გადადგეს. ცესკო-ს შენობის მიმდებარედ აღმართულ ჯებირებს აქტივისტები ხელკეტებსა და ქვებს ურტყამენ.