ჭაკუა არის მათი სახე, ეს არის "ნაცმოძრაობის სახე“ თვითონ იყვნენ დამკვეთები, ჭაკუა ამ ყველაფრის შემსრულებელია, - ამის შესახებ ქართული ოცნების“ აღმასრულებელმა მდივანმა განაცხადა.
ირაკლი კობახიძის თქმით დამკვეთები გაქცეულები არიან.
„ჭაკუა არის მათი სახე. აი, კაკო ბობოხიძესა და ჭაკუას შორის განსხვავება არ არის, ეს არის "ნაცმოძრაობის" სახე - წამება, ადამიანის ღირსების ხელყოფა, "ფეიკნიუსიც" ამის გაგრძელებაა. კაკო ბობოხიძე, გიგა ბოკერია, მიხეილ სააკაშვილი, თვითონ იყვნენ პასუხისმგებელი და დამკვეთები იმ უბედურების, რასაც აკეთებდა ჭაკუა. ჭაკუა იყო ამ ყველაფრის შემსრულებელი, დამკვეთები გაქცეულები არიან," - განაცხადა ირაკლი კობახიძემ.
ცნობისთვის, საქართველოს პროკურატურის შუამდგომლობით, გერმანიიდან სასჯელაღსრულების დეპარტამენტის ყოფილი თავმჯდომარის დავით ჭაკუას საქართველოში ექსტრადიცია დღეს განხორციელდა.
