კრისტიან დანიელსონი საქართველოში მედიაციის გასაგრძელებლად დაბრუნდება - ამის შესახებ ევროპული საბჭოს პრეზიდენტი შარლ მიშელი სოციალურ ქსელში წერს.
მისივე თქმით, დროა, მხარეები საჭირო კომპრომისებზე წავიდნენ.
„შევაჯამეთ დანიელსონის მედიაციით საქართველოში მიღწეული პროგრესი. ქართველი ხალხის ინტერესებიდან გამომდინარე, დროა, მხარეები საჭირო კომპრომისებზე წავიდნენ. ჩემი წარმომადგენელი მედიაციის გასაგრძელებლად საქართველოში დაბრუნდება“, - წერს შარლ მიშელი ,,ტვიტერის" გვერდზე.
მოგვიანებით, ევროპული საბჭოს პრეზიდენტმა აღნიშნულის შესახებ დაწერა ,,ფეისბუქშიც".
როგორც შარლ მიშელი აღნიშნავს, დანიელსონი საქართველოში მიმდინარე კვირის ბოლოს დაბრუნდება.
,,კრისტიან დანიელსონი ამ კვირის ბოლოს დაბრუნდება საქართველოში, რათა გააგრძელოს შუამავლობა ყველა მონაწილე მხარესთან", - წერს შარლ მიშელი სოციალურ ქსელში.
