"საკითხები საკმაოდ კომპლექსურია. ყველა მხარემ უნდა გადადგას ნაბიჯები და წავიდეს კომპრომისზე. ეს დროს მოითხოვს. ამიტომ მაქვს იმედი, რომ ხვალ მეტი წინსვლის შესაძლებლობა გვექნება", - ამის შესახებ ევროპის საბჭოს პრეზიდენტის პირადმა წარმომადგენელმა კრისტიან დანიელსონმა მმართველ გუნდთან და ოპოზიციასთან შეხვედრების დასრულების შემდეგ გამართულ პრესკონფერენციაზე განაცხადა.
მისი თქმით, მოლაპარაკებების ინტენსივობიდან და სირთულიდან გამომდინარე, მიიღო გადაწყვეტილება, კიდევ ერთი დღით დარჩეს თბილისში და მხარეებს გადაწყვეიტლების მიღებაში დაეხმაროს.
შეხვედრები პოლიტიკური პარტიების წარმომადგენლებთან ორი დღის განმავლობაში გრძელდებოდა. მოლაპარაკებების მაგიდასთან საკანონმდებლო ორგანოში შესვლის საკითხი განიხილება.
