პარტია "ლელო საქართველოსთვის" Covid-ით გარდაცვლილთა ხსოვნის პატივსაცემად აქცია-პერფორმანსს მართავს. მათ პარლამენტის შენობასთან სანთლები დაანთეს და ბანერი მიიტანეს წარწერით "კოვიდით გარდაცვლილთა პატივსაცემად".
როგორც დაგეგმილი იყო, აქცია მთავრობის კანცელარიასთან უნდა გამართულიყო, თუმცა იქ ვაქცინაციის მოწინააღმდეგეთა - "ანტივაქსერების" აქცია იმართებოდა, რის გამოც"ლელომ" დემონსტრაცია პარლამენტთან გადაიტანა.
"განიხილონ მთავრობის გადადგომა სრულად. შეცვალონ საკოორდინაციო საბჭო შეცვალონ ჯანდაცვის მინისტრი და პრემიერ-მინისტრი. ეს არის ძირითადი გზავნილი. ვითანამშრომლოთ და ერთად ვიმუშაოთ. ეს არის ყველაზე დიდი გამოწვევა, რაც ქვეყანას ოდესმე ჰქონია. იღუპება ადამიანები, ამიტომაც ყოველდღე დავანთებთ სანთლებს", - განაცხადა "ლელოს" წევრმა ვატო სურგულაძემ.