გლდანის მაჟორიტარობის კანდიდატმა ლევან კობიაშვილმა შტაბის ოფიციალური პრეზენტაცია გამართა.
როგორც ლევან კობიაშვილმა განაცხადა, ის იწყებს აქტიურ საარჩევნო კამპანიას, რაც ხალხთან შეხვედრებსა და მათთან კომუნიკაციებს გულისხმობს.
"გლდანში დავიბადე და გავიზარდე, შესაბამისად აქაურობასთან ყოველთვის მქონდა შეხება. ხვალიდან ჩვენ აქტიურ საარჩევნო კამპანიას დავიწყებთ, მთავრი კი მოსახლეობასთან შეხვედრები იქნება," - აღნიშნა ლევან კობიაშვილმა.
გაცნობითი ხასიათის შეხვედრას ესწრებოდნენ საკრებულოს მაჟორიტარებიც. ასევე, პარლამენტის წევრები მამუკა მდინარაძე და ირაკლი კობახიძე.
"ჩვენ ყველაფერს გავაკეთებთ იმისათვის, რომ ის შედეგი დავდოთ არჩევნებზე, რაც "ქართულ ოცნებასა"
და ლევან კობიაშვილს ეკუთვნის. ჩვენი ამოცანაა პირველ ტურში გამარჯვება და მე ამაში დარწმუნებული ვარ," - განაცხადა "ქართული ოცნება - დემოკრატიული საქართველოს" აღმასრულებელმა მდივანმა ირაკლი კობახიძემ.
