"ქალბატონი კელი არ არის ექსპერტი" - ასე პასუხობს "ქართული ოცნების" თავმჯდომარე, ირაკლი კობახიძე აშშ-ის ელჩს საქართველოში, კელი დეგნანს, რომელმაც საკონსტიტუციო ცვლილებებთან დაკავშირებით თქვა, რომ "ყველაფრის ერთი პარტიის მიერ მართვა უმრავლესობის ტირანიის საფრთხეს აჩენს".
"მე ვარ ამ საქმის სპეციალისტი, უშუალოდ ამ სფეროს სპეციალისტი, რასაც ჰქვია კონსტიტუციური სამართალი და შემიძლია გითხრათ, რომ 2%-იანი ბარიერი ან უფრო დაბალი მოქმედებს ევროკავშირის მხოლოდ ორ ქვეყანაში და სხვა არცერთ ამ ქვეყანაში არ ყალიბდება ტირანია, ამას გეუბნებით როგორც ექსპერტი. რა თქმა უნდა, ქალბატონი კელი არ არის ექსპერტი" - განაცხადა კობახიძემ.
