საპარლამენტო უმრავლესობის წევრის ირაკლი ზარქუას განცხადებით, ეკონომიკა სწორ რელსებზე დგას.
"საგარეო ვაჭრობის კუთხით, იანვარ-ნოემბრისთვის მოცემულობა გვაქვს ასეთი, რომ 12 მილიარდ 800 მილიონ დოლარზე მეტია. აქაც ექსპორტის ზრდა არის ძალიან მნიშვნელოვანი, რომელიც 24%-ით არის გაზრდილი წინა წლის მაჩვენებლებთან მიმართებით.
ერთი სიტყვით, მგონია, რომ სწორ რელსებზე დგას ეკონომიკა და ეს თუ შევინარჩუნეთ, მომავალ წელს გაცილებით უკეთესი სიტუაცია იქნება ჩვენი მოსახლეობისთვის, ბიზნესისთვის. მთავარ გამოწვევად მაინც რჩება მაღალი ინფლაცია და კოვიდი. იმედი მაქვს, რომ ჩვენ მომავალ წელს, ამ ორივე პრობლემას მნიშვნელოვნად შევამცირებთ", - განაცხადა ირაკლი ზარქუამ.
