საქართველოში გერმანიის საელჩო ,,კოვაქსის" ვაქცინასთან დაკავშირებით სოციალურ ქსელში განცხადებას ავრცელებს.
როგორც განცხადებაშია აღნიშული, გერმანია და ევროკავშირი „კოვაქსის“ ყველაზე დიდი დონორები არიან და მხარდაჭერას მომავალშიც გააგრძელებენ.
,,თებერვლის განმავლობაში საერთაშორისო პლატფორმა COVAX-ის მეშვეობით მსოფლიოში პირველი კოვიდ-ვაქცინები უნდა დაიგზავნოს, მათ შორის საქართველოშიც. ეს მნიშვნელოვანი ნაბიჯია მსოფლიოში პანდემიის დასამარცხებლად. გერმანია და ევროკავშირი ეხმარებიან COVAX-ს მისი დაარსების დღიდან და ისინი მის ყველაზე დიდ დონორებს მიეკუთვნებიან. ჩვენ მომავალშიც გავაგრძელებთ ამ მხარდაჭერას", - აღნიშნულია საელჩოს ფეისბუქგვერდზე გავრცელებულ განცხადებაში.
