NATO-ს გენერალური მდივნის, იენს სტოლტენბერგის განცხადებით, საქართველოსა და უკრაინისთვის NATO-ს კარი ღია რჩება.
მისივე თქმით, იმისთვის, რომ ჩრდილოატლანტიკური ალიანსის წევრები გახდნენ, ორივე ქვეყანამ სტანდარტები უნდა დააკმაყოფილოს.
,,NATO-ს კარი ღია რჩება. ბუქარესტის სამიტზე ჩვენ მივიღეთ გადაწყვეტილება, რომ უკრაინა და საქართველო NATO-ს წევრები გახდებიან. მაგრამ იმისთვის, რომ წევრები გახდნენ, მათ NATO-ს სტანდარტები უნდა დააკმაყოფილონ. ჩემი გზავნილი ორივე ქვეყნისთვის არის ის, რომ ისინი ორიენტირებულები უნდა იყვნენ რეფორმებზე, ინსტიტუტების რეფორმირებასა და მოდერნიზებაზე, დემოკრატიული ინსტიტუტების გაძლიერებაზე, კორუფციასთან ბრძოლაზე. ჩვენ ამ რეფორმების გატარების მცდელობაში მათ ვეხმარებით,"-განაცხადა სტოლტენბერგმა ევროპის კოლეჯში სიტყვით გამოსვლისას.
