„ერთიანი ნაციონალური მოძრაობა“ საქართველოს ყოფილი პრეზიდენტის, მიხეილ სააკაშვილის მხარდასაჭერად და მისი გათავისუფლების მოთხოვნით დღეს, 21 დეკემბერს, აქციას გამართავს.
აქცია რუსთაველის გამზირზე 18:00 საათზე დაიწყება.
პარლამენტის შენობის მოპირდაპირე მხარეს მოეწყობა სცენა, საიდანაც გამომსვლელები აქციის მონაწილეებს სიტყვით მიმართავენ.
რუსთაველის გამზირზე დაგეგმილ აქციაში მონაწილეობას გეგმავენ საქართველოს სხვადასხვა რაიონიდან და ქალაქიდან. თბილისის მიმართულებით უკვე დაიძრა კოლონა აჭარიდან.
