საარჩევნო საკითხები, პარლამენტის კომიტეტების თავმჯდომარეების კანდიდატურები, - ეს იქნება ის ძირითადი საკითხები, რაზეც დღეს დეპუტატები პარტიის ლიდერთან ბიძინა ივანიშვილთან ერთად იმსჯელებენ.
„ქართული ოცნების“ ცენტრალურ ოფისში საპარლამენტო უმრავლესობის სხდომა 10:00 საათზე დაიწყება.
სავარაუდოდ, დღესვე გახდება ცნობილი, რაზე შეთანხმდნენ ბიძინა ივანიშვილი და მაჟორიტარები გუშინ გამართულ შეხვედრაზე.
როგორც უმრავლესობაში ამბობენ, დღევანდელ შეხვედრაზე იმსჯელებენ აკაკი ზოიძის ინიციატივასთან დაკავშირებითაც, რომელიც 2020 წელს პროპორციულ საარჩევნო სისტემაზე გადასვლასთან დაკავშირებით რეფერენდუმის ან პლებისციტის ჩატარებას გულისხმობს.
